Portieri i Paris Saint-Germain, Gianluigi Donnarumma dhe partnerja e tij thuhet se janë sulmuar dhe grabitur në shtëpinë e tyre në Paris.
Ngjarja në fjalë mësohet se ka ndodhur gjatë natës të së enjtes dhe deri në orët e para të mëngjesit të sotëm (e premte).
Sipas mediumit francez Actu17, autorët e grabitjes janë larguar me mallra me vlerë rreth 500 mijë euro, ndërsa janë ende në arrati.
Donnarumma dhe partnerja e tij thuhet se kanë qenë të lidhur gjatë gjithë sulmit.
Ata mundën të arratiseshin dhe të strehoheshin në një hotel luksoz që ndodhet jo shumë larg shtëpisë së tyre në orën 3:20 të mëngjesit.
Stafi i institucionit njoftoi policinë lokale dhe u kujdes për çiftin, i cili kuptohej se ishte në tronditje.
24-vjeçari italian dhe partnerja e tij u dërguan më pas në spital për trajtim.
Donnarumma ka qenë te PSG që kur përfundoi një lëvizje në Parc des Princes nga Milani në vitin 2021 – për të ndihmuar vendin e tij për drejt triumfit në Euro 2020.
Ai ka bërë 72 paraqitje për PSG-në, duke fituar dy tituj të Ligue 1, por ka parë që një transferim diku tjetër të spekulohet në afatin kalimtar aktual./zhurnal