Shkup, 20 korrik – Drejtoria e doganave ka njoftuar se në vendkalimin kufitar “Bogorodicë” është parandaluar një tentim për eksport ilegal të devizave, gjatë së cilës janë sekuestruar 27.000 euro.
“Më 18.07.2023 rreth orës 20:00 në dalje të vendit në vendkalimin kufitar Bogorodicë është regjistruar një automjet me targa të Serbisë e drejtuar nga një shtetas serb. Gjatë kontrollit të kryer nga ana e doganierëve, në çantën personale të udhëtarit janë gjetur 47 mijë euro për të cilat nuk ka poseduar dokument përkatës rreth prejardhjes së tyre. Sipas Ligjit për punë devizore, pasagjerit dhe bashkëshortes së tij – shoqëruese në automjet u janë kthyer 10.000 euro (shumë që një jorezident mund t’i nxjerrë lirisht jashtë shtetit), ndërsa 27 mijë eurot e mbetura janë mbajtur përkohësisht”, thekson Drejtoria.
Konform ligjit për veprimtarinë devizore dhe Ligjit për doganat është parashtruar kërkesë për fillimin e procedurës penale./zhurnal