Sektori për Punë të Brendshme në Tetovë njofton se një fëmijë dyshohet se ka vjedhur një veturë gjatë ditës së djeshme në Tetovë.
Nga policia e Tetovës thonë se vetura i është kthyer pronarit.
“Dje (18-korrik) rreth orës 20:40 minuta, zyrtarët policorë të SPB-Tetovë kanë privuar nga liria një të mitur nga Tetova, për shkak të dyshimit se dy orë më parë ka marrë një veturë “Peugeot 306 Caravan” me targa të Tetovës, në pronësi të 65-vjeçari I.A nga Tetova”.
“Vetura ka qenë e parkuar në rrugën “Jordan Zllatanovski” në Tetovë, ndërsa rreth orës 20:30 është gjetur në rrugën “Fushtanska” në Tetovë. Ekipi i SPB-Tetovë ka kryer kontrollin kurse vetura i është kthyer pronarit, ndërsa i mituri është ndaluar në Stacionin Policor Tetovë për zbardhjen dhe dokumentimin e rastit”, thonë nga SPB-Tetovë. /zhurnal