Një tjetër yll i madh dhe një nga sulmuesit më të mirë sot, Ciro Immobile mund të shkojë së shpejti në Arabinë Saudite.
Siç raporton gazetari italian Nicolo Schira, kapiteni i Lazios, Immobile, ka marrë një ofertë nga Arabia Saudite me vlerë 60 milionë euro.
Klubi që ende nuk iu është bërë i ditur emri, i ofroi Immobiles një bashkëpunim trevjeçar, sipas të cilit ai do të fitonte 20 milionë euro në vit.
33-vjeçari po i afrohet më shumë vendimit për t’u larguar nga Lazio, duke ndjekur hapat e Sergej Milinkovic Savic, i cili pranoi ofertën e sauditëve pak ditë më parë. /Koha