Leonardo DiCaprio dukej sportiv ndërsa shijoi një udhëtim me varkë me një grup miqsh në St. Tropez, Francë të premten.
Aktori, 48 vjeç, mbërriti me varkë në restorantin e mrekullueshëm “Club 55” në qytet për drekë, shkruan DailyMail.
Kjo paraqitje e tij vjen disa orë pasi Leo festoi ditëlindjen me dy bukuroshet e zjarrta, Maya Jama dhe Neelam Gill, të dyja 28 vjeçe, në Londër të enjten në mbrëmje.
Ylli i filmave zgjodhi një pamje të thjeshtë, i veshur me një bluzë të bardhë dhe një palë pantallona të shkurtra ngjyrë bezhë ndërsa po shkonte drejt varkës.
Aktori i filmit “Inception” u përpoq të mbante një profil të ulët, pasi kishte vendosur një kapele dhe një palë syze dielli së bashku me një maskë blu për fytyrën.
Duke mbajtur një çantë të zezë në supe, Leonardo kompletoi pamjen e tij për daljen me një palë atlete të bardha.
Kjo paraqitje e aktorit vjen në vazhdën e një sërë raportimesh për lidhjet e tij të shkurtra me vajza të ndryshme. /Telegrafi