Prokuroria kërkon paraburgim për një nënë nga Gostivari me banim në Shkup, pasi e njëjta i ka braktisur dhe i ka dhunuar fëmijët e saj, përcjell TV21. Bëhet fjalë për një grua 34-vjeçare, e cila ka keqtrajtuar fëmijët e saj të lindur në vitin 2017 dhe 2019.
“Fëmijëve ua lidhte duart, gjunjët dhe këmbët me shirit ngjitës dhe i linte të ulur në atë pozicion në një karrige ose në shtratin e tyre ndërsa ishte në apartament. Ajo ka komunikuar me fëmijën e vegjël duke shfaqur agresivitet verbal dhe fizik dhe nuk ka treguar shqetësim për përmirësimin e gjendjes së tyre, edhe pse ekspertiza e kryer me urdhër të prokurorit publik ka konstatuar se një fëmijë ishte i neglizhuar nga ana sociale dhe emocionale dhe se bëhej fjalë për fëmijë me zhvillim të pjekurisë psikomotorike dhe psikosociale nën moshën në të cilën ishte. Më 7 maj, gjatë dhunës në familje, e pandehura ka plagosur fizikisht fëmijët e saj. Teksa po bënte një video-telefonatë në një rrjet social me partnerin e saj jashtëmartesor, dukshëm e shqetësuar, filloi pa asnjë arsye t’i godiste fëmijët në trup, duke u shkaktuar atyre lëndime fizike”, thonë nga Prokuroria./tv21.tv