Struga Trim Lum u ndal në barazim pa gola kundrejt Zhallgirisit, në ndeshjen e parë të raundit të parë kualifikues të Ligës së Kampionëve. I kënaqur me interpretimin në këtë ndeshje doli të jetë edhe trajneri Shpëtim Duro.
Edhe përkundër barazimit, Duro nuk ndryshon mendje dhe thotë se fituesi i përgjithshëm do të vendoset vetëm në ndeshjen e dytë në Ohër, kur do të zhvillohen edhe 90 minuta të tjera, duke mos përjashtuar këtu ndoshta edhe vazhdimet, apo edhe penaltitë.