“Bulevardet e pastra dhe të rregulluara janë karakteristikë e çdo qyteti modern. Çdo ditë përpiqemi që bulevardet e Shkupit të kenë një pamje botërore me gjelbërim të rregulluar dhe të pasuruar me fidanë dekorativë, të cilat përveç rolit mbrojtës për pastrimin e ajrit të qytetit, ofrojnë edhe një notë të bukur estetike dhe një pamje të këndshme për të gjithë kalimtarët”m” – thonë nga NP Parqe dhe gjelbërime- Shkup.
Sot drejtori i ndërmarrjes Sefi Shabani, së bashku me ekipin udhëheqës, ka bërë inspektimin e punës së punëtorëve të terrenit, të cilët këtë periudhë janë të fokusuar në rregullimin e bulevardeve kryesore të qytetit dhe nga afër u bind për punën e tyre të kryer në mënyrë të shkëlqyer.
