Kërkesa për vazhdimin e seancës për ndryshimet kushtetuese, e nënshkruar nga 20 deputetë të VMRO-DPMNE-së, ka mbërritur te kryetari i Kuvendit Talat Xhaferi dhe deputetët e tjerë. Zëvendëskoordinatorja e VMRO-DPMNE-së, Dafina Stojanovska, duke iu referuar Rregullores, tha se pas shterimit të debatit, Xhaferi është dashur që më 18 gusht t’i vërë në votim ndryshimet kushtetuese.
“Ky seancë, kur hapet me një pikë të tillë, duhet të përfundojë më së voni për 10 ditë. Kishim një rast që kishim folës të paraqitur atë ditë, më 18 gusht, në seancën e 123-të, të cilët përfunduan fjalimet e tyre në të njëjtën ditë. Gjë që ju, sipas kreut 10 të Rregullores së Kuvendit të Republikës së Maqedonisë, keni thënë se në të njëjtën ditë keni pasur kushte dhe nuk keni pasur arsye për ta ndërprerë atë seancë, për të shkuar dhe për të thirrur për votim. Dhe kjo farsë më në fund duhet të marrë fund”, theksoi Dafina Stojanovska, koordinator e VMRO-DPMNE-së.
Xhaferi është përgjigjur se deputetët kanë të drejtë të kërkojnë vazhdimin e seancës, por se ai nuk është i detyruar ta thërrasë atë. Seanca e 123-të do të vazhdojë kur të ketë kushte për të vazhduar, është përgjigjur Xhaferi.
“Ju pa dyshim mund të kërkoni një seancë të re, por është një mundësi për të kërkuar dhe jo një detyrim për të thirrur seancë. Juristët e dinë këtë. Pra thirrja e seancës mund të kërkohet nga 20 deputetë, Presidenti mund të thërrasë një seancë me kërkesën e 20 deputetëve, ai mundet, që do të thotë se nuk është patjetër. Le të jemi të qartë për këtë”, pohoi Talat Xhaferi, kryetar i Kuvendit.
Për ndryshimet kushtetuese, në SummerClick foli edhe deputeti Fadil Zendeli nga L. Besa, i cili tha se nuk do të ketë ndryshime kushtetuese.
Më 18 gusht është mbajtur seanca për nevojën e ndryshimeve kushtetuese, por pas diskutimit, kryetari i Kuvendit Talat Xhaferi e ka ndërprerë seancën dhe ka paralajmëruar se do të vazhdojë kur të sigurohet shumica e dy të tretave për votim.
/tv21