Tentimi i dytë i Koresë së Veriut për ta dërguar një satelit spiunazhi në hapësirë ka dështuar vetëm tre muaj pas dështimit të tentimit të parë.
Tentimi i së enjtes ka dështuar në fazën e tretë të udhëtimit të tij sipas mediave shtetërore atje.
Për liderin koreano verior Kim Jong Un dërgimi i një sateliti spiunazhi është i rëndësishëm pasi që një gjë e tillë do të ia mundësonte monitorimin e ndonjë sulmi eventual apo planifikimin më të mirë të ndonjë sulmi të ndërmarrë nga vet ai. Agjencia Hapësinore e Pyongyangut ka thënë se ata do të tentojnë përsëri në tetor lansimin e tij, raporton BBC.
Korea e Jugut ka thënë se ajo ka vërejtur lansimin e satelitit rreth orës 03:50 të mëngjesit në hapësirën internacionale përmbi Detit të Verdhë.
Lansimi provokoi një alarm emergjent në Okinawa të Japonisë ku banorët u detyruan të izolohen. Alarmi është ndalur pas 20 minutave.