Ministria e Punëve të Brendshme, pas kërkesës për shuarjen e zjarrit që ka rënë sot rreth orës 14:00 në territorin e komunës së Krivogashtanit, në mes të fshatrave Podvis dhe Godivje, ka dërguar një helikopter Bell 212 që ka hedhur 40 tonë ujë. Së bashku me ndihmën e zjarrfikësve zjarri është vënë nën kontroll të plotë.
Gjithashtu, Departamenti i Njësive të Aviacionit, pas një zjarri të raportuar në Komunën e Sarajit, në afërsi të fshatit Lubin, ka ndërhyrë me një helikopter Mi-171 duke hedhur 5 tonë ujë dhe së bashku me Aero Traktorët e ZSHS-së kanë ndihmuar në shuarjen e plotë të zjarrit.