Struga Trim Lum ka humbur duelin e xhiros së tretë në elitën e futbollit vendor, duke u mundur në shtëpi nga Brera Strumica me rezultatin 1:2.
Takimi nisi në favor të mysafirëve nga Strumica, kur në minutën e 26-të shkuan në avantazh me anë të Krstevskit. Pjesa e parë u mbyll në favor të Breras, përderisa barazimi erdhi 8 minuta pas fillimit të pjesës së dytë, me autor Besart Ibraimin.
Gjithsesi shifrat ndryshuan përsëri me skuadrën nga Strumica që shënoi një gol tjetër me Vrdoljak, gol që vendosi edhe fatin e takimit për tre pikë të Breras.
Struga humb ndeshjen e parë të këtij sezoni, ndërsa ka edhe një ndeshje pa luajtur, atë me Shkëndijën në xhiron e dytë, e cila u shty.
Me këtë përballje Struga – Brera, mbyllet edhe xhiroja e 3-të në elitë.