Mëngjesin e sotëm, Policia e Kosovës ka realizuar bastisje në Ministrinë e Tregtisë dhe Industrisë.
Raportohet se bastisja vjen pas publikimit të incizimeve rreth aferës vaji dhe gruri.
Policia e Kosovës sot ka arrestuar afaristin Ridvan Muharremin për aferën e rezervave shtetërore.
Gjithashtu janë arrestuar edhe dy zyrtarë të Ministrisë së Industrisë, Ndërmarrësis dhe Tregtisë (MINT) pas bastisjes së këtij dikasteri nga Policia e Kosovës.
Siç po raportohet zyrtarët e arrestuar janë punonjës të kësaj ministrie që janë përmendur në përgjimet e publikuara.
Policia e Kosovës për RTV21 ka thënë se aksioni i sotëm po zhvillohet me kërkesë të Prokurorisë.