MPB njofton se pasditen e djeshme është arritur nxjerrja e trupit të pajetë të personit që u mbyt në ujërat e liqenit të Dojranit, përcjell TV21. Nga MPB thonë se bëhet fjalë për një 42-vjeçar nga Shtipi, me vendbanim të përkohshëm në Gjermani.
“Më 13.08.2023 në SPB-Strumicë është raportuar se rreth orës 11.30 në Dojran, një person me varkë me pedale hyri në ujërat e Liqenit të Dojranit, e më pas u përmbys. Zyrtarët e policisë nga SPB-Strumicë shkuan në vendin e aksidentit, dhe konstatuan se bëhej fjalë për I.Z. (42), që ishte nga Shtipi, me vendbanim të përkohshëm në Gjermani. Anëtarët e ekipit të zhytjeje nga njësiti “Tigër” pranë Ministrisë së Brendshme arritën në vendin e aksidentit dhe pas aktiviteteve të tyre të ndërmarra në orën 19.12 pasdite u gjet dhe u nxor nga ujërat e liqenit. Vdekja është konstatuar nga një mjek i urgjencës mjekësore dhe me urdhër të prokurorit publik, trupi do të dorëzohet për autopsi”, thonë mes tjerash nga MPB./tv21.tv