Ambasadori i Bashkimit Evropian në Shkup, David Geer gjatë një takimi me studentët në Tetovë tha se Zyra e BE-së është duke zhvilluar takime me të gjitha partitë politike, përcjell TV21. BE-së nuk i takon të komentojë formimin e qeverisë, por ajo çfarë do të bëj zyra e BE-së në Shkup është se do të ndjek të gjithë veprimet pjesëmarrësve në qeverisë për rrugëtimin në BE dhe se atëherë ata do të shohin se çfarë hapa konkret bëjnë partitë për rrugëtimin në BE .
“Ne flasim me te gjitha partitë politike, edhe me ata që janë në qeveri edhe atë që janë duke bisedar për formimin e qeverisë. Thjeshtë për të atë se deri ku janë punët. Sa i përket formimit të qeverisë së re edhe negociatave ajo nuk është punë e Bashkimit Europian. Në praktikë të gjitha partitë politike në fushatë zgjedhore kanë pasur agjendë që jep rrugëtimin e integrimit të vendit në BE. Nuk ka të bëj me atë se a besojmë në të se çfarë thonë partitë politike dhe nuk jemi duke e vënë në pikëpyetje. Deklarata bëjnë partitë politike, ne do ta bëjmë vlerësimin, se çfarë do të bëjnë partitë politike pas formimit të qeverisë së re dhe ne në mënyrë aktive do ta përcjellim këtë gjë. Dhe vlerësimin tonë do të bëjmë në bazë të veprimeve konkrete që do të merren në bazë të pjesëmarrësve në qeveri dhe ne do të përkrahim ata që do të marrin hapa konkret dhe real për avancimin e vendit në BE”, tha David Geer – ambasador i BE-së në Maqedoni.