Një ditë pas plagosjes së kryeministrit sllovak Robert Fico, parlamenti kroat u konstituua dhe u mbajt seanca e parë.
Përfaqësuesi i shumicës qeverisëse kroate, Hrvoje Zekanoviq, mbrojti themelimin e Ministrisë së Demografisë dhe thotë se tema duhet të jetë opozita dhe “shpërbërja e SDP-së dhe kaosi në Most” dhe jo “koalicioni më normal që do të qeverisë nesër Kroacinë”.
Por ai nuk u ndal me kaq, ai e quajti zombi kreun e SDP-së, Pedja Grbin dhe tha se duhet “të pushkatohet në ballë”, raporton index.hr.
Kreu i asaj shumicës qeverisëse dhe kryeministri i ri i vjetër, Andrej Plenkoviq, i cili ka dënuar dje plagosjen e Ficos, i pyetur nga një gazetar për përleshjet e mundshme në mbledhjen e re të parlamentit, tha se “shikoni çfarë ndodhi dje në Sllovaki”.
Zekanoviq fillimisht tha se pyetja është “ku do të varet Grbini, në cilën pemë, figurativisht, kur të vritet politikisht” në parti.
“Pedja Grbin aktualisht është një zombi, një i vdekur për së gjalli. Një njeri që humbi zgjedhjet. Unë ju sfidoj. Kush do ta mbrojë Pedja Grbin, hajde. Ju mund të luani vetëm një zombi, ju e di se si… Ti i di ato filma”, pohoi ai.
Ndryshe, Plankoviq si fitues i zgjedhjeve parlamentare kroate tashmë ka siguruar shumicën për të krijuar qeverinë e re.