Këngëtarja me prejardhje nga Kosova, Rita Ora, do t’i performojë disa prej hiteve më të mëdha të saj, në gjysmëfinalen e “Eurovisionit” që do të mbahet muajin e ardhshëm në Liverpool të Anglisë, ka konfirmuar vetë “Eurovisioni”, raporton Koha.net.
32-vjeçarja do të jetë një nga disa yje që do të performojnë në mbrëmjet e mëdha, si mysafire speciale. Pos Orës, në skenën e madhe do të performojnë edhe Rebecca Ferguson dhe ish-përfaqësuesit e Ukrainës në këtë garë, si Alyosha dhe Mariya Yaremchuk.
Britania e Madhe u zgjodh si vend nikoqir në emër të Ukrainës, që fitoi më 2022, e që s’mund ta organizojë garën e madhe të muzikës, për shkak se vendi po përballet me agresionin rus.
“Eurovision 2023” do të mbahet në periudhën 9-13 maj.
Shqipëria do të përfaqësohet me këngën “Duje” të kënduar nga Albina dhe Familja Kelmendi.