Një burrë nga Teksasi i ShBA-së rifitoi titullin e tij të rekordeve botërore Guinness duke bërë parashutë në moshën 106-vjeç e 327 ditë.
Alfred “Al” Blaschke fillimisht fitoi titullin e personit më të vjetër që kërceu me parashutë kur u hodh nga një aeroplan në moshën 103-vjeçare në vitin 2020, por rekordi i tij u thye nga gruaja suedeze Rut Linnéa Ingegärd Larsson, e cila ishte 103 vjeç e 259 ditë kur fluturoi me parashutë.
Blaschke e rimarri titullin e tij duke u hedhur me parashutë në moshën 106 vjeç e 327 ditë. Atij iu bashkua guvernatori i Teksasit, Greg Abbott, i cili bëri kërcimin e tij të parë.
“Nëse mendoni se nuk mundeni, thjesht po nënvlerësoni veten. Të gjithë janë më të aftë se sa mendojnë. Thjesht duhet të marrin vendimin për të provuar”, tha Blaschke për Guinness World Records.