Zëvendëskryeministri i Maqedonisë së Veriut, Artan Grubi, ka thënë se nuk ka votuar për raundit e dytë të zgjedhjeve presidenciale, por vetëm për ato parlamentare.
“Nuk votova për zgjedhje presidenciale pasi nuk dua të legjitimoj një presidente e cila është kundër UÇK-së, kundër marrëveshjes së Ohrit dhe kundër fqinjësisë së mirë me Kosovën, Bullgarinë, Greqinë dhe është kundër integrimit në Bashkimin Evropian dhe kundër ndryshimeve kushtetuese”, tha Grubi para gazetarëve.
“Kam votuar vetëm për zgjedhjet parlamentare, nuk është thirrje për bojkot por është shprehje e lirë e individit, është shumë me rëndësi të votohet për zgjedhjet parlamentare dhe përcaktohet e ardhmja evropiane e këtij vendi”, shtoi ai.