Kancelari gjerman Olaf Scholz ka thënë se ai mbështet propozimin e BE’së që të dhuroj shumicën e të ardhurave nga asetet e ngrira ruse për Ukrainën dhe ushtrinë e saj
Në një deklaratë të bërë në kryeqytetin letonez Riga, Scholz tha se rreth 90% e të ardhurave të siguruara nga asetet e ngrira ruse të shpenzohen në blerjen e armëve për Ukrainën.
Kjo mbështetje është në një linjë me shefin e diplomacisë së bllokut evropian Josep Borrell i cili më parë kishte propozuar që 90% e interesit nga shifrat e paguara prej aseteve të ngrira ruse ti dedikoheshin Ukrainës, raporton Reuters.
Perëndimi ka ngrirë rreth 200 miliard dollarë nga asetet e Bankes Qendrore ruse ku rreth 70% e tyre mbahen nga depozita e sigurisë së Euroclear në Belgjikë. Përdorimi i këtyre fondeve do të ishte ndihmë e ndjeshme financiare për Ukrainën dhe kapacitetet e saj ushtarake.