Në Bashkinë e Tiranës është mbajtur sot ceremonia për shpalljen e kryetarit të Bashkimit Demokratik për Integrim, Ali Ahmeti “Qytetar Nderi”.
Në fjalimin e tij, Ahmeti ka përkujtuar të gjithë ata që ranë për lirinë e Kosovës dhe tha se Shqipëria edhe pse e varfër, ushtarët i ka mbajtur e ruajtur në gjirin e sajë. Shqipëria ka qenë buk, kryp e zemër për ne, tha mes tjerash Ahmeti.
Ai përkujtoi edhe Adem Jasharin, Zahir Pajazitin po edhe Fehmi Lladrovcin e Xhevë Krasniqin po edhe vllezërit Haradinaj të cilët sipas Ahmetit kanë dhënë gjithçka për lirinë e Kosovës.
Foli për sfidat ndër vite dhe qëllimet strategjike, po edhe për të arriturat nga pas lufta.
“Do doja të ju falëmderoj nga Zemra, kjo është Tirana edhe e Adem Jasharit, kjo është Tirana e Zahir Pajazitit po edhe e Fehmi Lladrovcit dhe Xhevë Krasniqit. Kjo nënë Tirana, Shqipëria ka qenë e varfër por ne na ka mbajtur ngrohtë në gjirin e sajë, me qindra janë dëshmorë, hero të kombit që i ka mbajtë nëna në prehrin e vetë. Një fjalë e një plaku të urtë na tha, mos e falemderoni njëni tjetrin sepse të gjithë keni punuar në arën tuaj, vetëm punë e mbarë për të gjithë punët që bëhen. Mirëpo vërtetë, Shqipëria ka qenë buk, kryp e zemër për ne. Për të gjithë ata që sot nuk janë, sot është Kosova, sot shqiptarët janë shtetëformues në RMV. Kur e kemi nisur, e kam thënë ka qenë për bashkimin e trojeve shqiptare, e kemi nisë të tillë por rethanat ndryshuan por edhe ne ndryshuam strategjinë, duke parë gjeopolitikat. U përkushtuam për çlirimin e Kosovës. Shqiptarët që morrën pjesë vullnetarisht, ca u vranë në burgjet e Idrizovës, kjo situatë ishte e papërpunueshme, sepse shqiptarët ishin në RMV të shkelur margjinalizuar, pa të drejta, pa flamur. Sot ju Skenderbeun e keni në Tiranë po edhe unë e kam në Shkupin e vjetër. Flamuri kombëtarë është krenari, po edhe ne dënohemi nëse nuk e respektojmë flamurin shqiptarë. Kemi tre universitete, i dashur Edi, ja kemi marrë kazermat Mlladiqit, në Shkup është Universitet, në Kumanovë përsëri kazerma e Mlladiqit është universitet”, tha Ahmeti.