Ka shkuar në 10 numri i personave që kanë humbur jetën ndërsa dhjetëra të tjerë janë shpallur të humbur si pasojë e përmbytjeve të shkaktuara nga moti i keq në disa zona në jug të Brazilit.
Situata më alarmante paraqitet në shtetin e Rio Grande do Sul, ku të paktën 4000 persona në 100 komuna janë urdhëruar të largohen nga shtëpitë e tyre pasi përmbytjet pritet të përkeqësohen në orët në vijim.
Autoritetet i cilësojnë këto vërshime të ujërave si më të këqijat në 100 vitet e fundit.
Presidenti Lula Da Silva premtoi se do të vizitoi shumë shpejt rajonin ku do të shpallë dhe paketën e ndihmës.