Një studim i ri ka zbuluar se cilat qytete janë më të mirat nëse qëllimi juaj është të punoni më pak dhe të fitoni më shumë.
Sipas këtij studimi, Luksemburgu renditet i pari në listën me 69 qytete globale, ndjekur pas nga Munihu dhe Parisi në vendin e tretë, transmeton Telegrafi.
Tri vendet më të këqija në këtë aspekt janë jakarta, Bankoku dhe Bogota.
Për këtë konstatim, ekspertët kanë ekzaminuar popullsinë dhe të dhënat financiare nga ‘Deutsche Bank’ dhe UBS, duke përfshirë pagën mesatare mujore, orarin e punës dhe pushimin me pagesë.
Fatmirësisht banorët e Luksemburgut jetojnë në vendin më të mirë: paga mesatare në këtë qytet evropian është rreth 3,500 euro në muaj për një punë 33-orëshe në javë.
Qytetarët e Luksemburgut i gëzojnë 32 ditë pushimi me pagesë në vit, ndërkaq qyteti ofron sistem falas të shëndetësisë për të gjithë.
Nga ky studim, ekspertët kanë kuptuar se Evropa është njëshi për vendet më të mira ku njerëzit mund të fitojnë më shumë dhe të punojnë më pak, ku të gjitha vendet në top 10 janë qytete të Evropës.
Në anën tjetër, qytetet aziatike e ofrojnë kombinimin më të keq të punës dhe jetës personale.
Kjo është lista e plotë me top 10 qytetet ku banorët kanë paga të larta dhe pak orë pune
1: Luksemburgu
2: Munihu
3: Parisi
4: Helsinki
5: Lioni
6: Kopenhaga
7: Roma
8: Dublini
9: Oslo
10: Londra
Kjo është lista e plotë me 10 qytetet më të këqija për ata që duan pagë të larta dhe pak orë pune
1: Jakarta
2: Bankoku
3: Bogota
4: Meksiko City
5: Nairobi
6: Shangai
7: Stambolli
8: Mumbai
9: Santiago de Kili
10: Bejingu.