Marina japoneze po vazhdon kërkimin e saj për shtatë anëtarë të ekuipazhit në Oqeanin Paqësor pas përplasjes së dy helikopterëve të shtunën mbrëma, ku një anëtar i ekuipazhit mbeti i vdekur.
Ekipet e shpëtimit deri më tani kanë gjetur trupin e tij, si dhe kutitë e zeza dhe mbeturinat, por ende nuk janë gjetur të tjerët, raporton BBC, transmeton Klankosova.tv.
Kryeministri japonez, Fumio Kishida mbajti zi për tragjedinë në parlament të hënën.
“Është për keqardhje të madhe që ne humbëm personelin tonë pasi ata u angazhuan në trajnime shumë të vështira”, tha ai.
Është ende e paqartë se çfarë e shkaktoi saktësisht përplasjen, e cila ndodhi pranë ishujve Izu, të cilët shtrihen jo shumë larg nga kontinenti, rreth 600 km në jug të Tokios.