Ndihmëssekretari amerikan i Shtetit për Evropën dhe Euroazinë, James O’Brien, do ta vizitojë Beogradin ditën e sotme, ku do të takohet me presidentin Aleksandar Vuçiq dhe kryeparlamentaren Ana Bërnabiq.
Gjatë një interviste për televizionin Pink, Vuçiq e cilësoi takimin e ardhshëm me O’Brien si një “bisedë të vështirë dhe të rëndësishme”.
Kjo vizitë vjen në një kohë kur Beogradi kritikoi Perëndimin pasi Asambleja Parlamentare e Këshillit të Evropës e mbështeti anëtarësimin e Kosovës në këtë organizatë.
Kosova e akuzoi Serbinë më 17 prill se i ndaloi mbi 1.400 kosovarë për më shumë se 20 orë në pikat kufitare të saj me Kroacinë dhe Hungarinë, të cilët po kalonin transit nëpër Serbi.