Sidoqoftë, tani komuniteti ndërkombëtar mund të luajë një rol udhëheqës. Siç dëshmohet edhe në reagimet e para, ka një shqetësim për një zgjerim të konfliktit. Prandaj ndërmjetësimi i mundshëm për një armëpushim: SHBA, BE, por edhe Rusia dhe Kina mund të ushtrojnë “presion” nga pikëpamja diplomatike ndaj Izraelit dhe Iranit për të nisur negociatat
Pas profecive të inteligjencës dhe kërcënimeve të ditëve të fundit, sulmi i Iranit ndaj Izraelit ka ndezur alarmin e kuq në Lindjen e Mesme dhe gjithë botën. Teherani goditi armikun me disa valë dronësh dhe raketash, duke rritur tensionin në rajon. Luftëtarët amerikanë dhe francezë u nisën për në hapësirën ajrore të Irakut, BE-ja dënoi sulmin, duke folur me shqetësim për “përshkallëzimin e paprecedentë”. Dhe dilema kryesore është pikërisht kjo: cilat mund të jenë zhvillimet e ardhshme në Lindjen e Mesme ?A do ta respektojë Irani fjalën e tij apo do të vazhdojë të sulmojë Izraelin, ndoshta duke rritur agresivitetin e veprimeve të tij ushtarake? Përgjigja e mundshme e Izraelit gjithashtu duhet të vlerësohet: nuk përjashtohet një përgjigje “muskulare”, me sulme kundër infrastrukturës iraniane në Siri apo Liban. Presidenti amerikan Joe Biden predikon qetësi dhe i kërkon kryeministrit izraelit Benjamin Netanyahut “të marrë këtë fitore” dhe të mos reagojë.
Por kabineti i luftës i Izraelit ka vendosur se do t’i përgjigjet sulmit iranian, por pa specifikuar se kur dhe si. Diskutimet mbi një përgjigje të përshtatshme izraelite vijnë si pasojë e presionit amerikan për të mos u kundërpërgjigjur mes frikës së një lufte rajonale. Presidenti amerikan Joe Biden thuhet se i tha kryeministrit izraelit Benjamin Netanyahu në një telefonatë të shtunën se Uashingtoni nuk do të mbështesë veprimet fyese kundër regjimit në Teheran. Zyrtarët izraelitë thanë se një përgjigje nuk do të vijë menjëherë, raportuan mediat izraelite. Ministri pa portofol Benny Gantz , një anëtar i Kabinetit të Luftës, tha se vendi do të ndërtojë një koalicion rajonal dhe se do të kërkojnë që Irani të paguajë në mënyrën dhe në kohën që është e përshtatshme. Veprimet e mëtejshme ushtarake nga Tel Avivi padyshim do të çonin në një përshkallëzim të drejtpërdrejtë midis dy vendeve. Por ky është vetëm një skenar.