Trajneri i Golden State Uarriors, Stev Kerr, ka nisur nga puna si drejtues i kombëtares amerikane të basketbollit, me të cilën do të përfaqësohet në botërorin që zhvillohet në Azi, më datat 25 gusht-10 shtator. Kombëtarja amerikane e nisi më vonë nga sa ishte parashikuar fazën përgatitore, që do të zhvillohet që Las Vegas.
Ndryshe nga sa jemi mësuar të shohim në 30 vitet e fundit, në këtë botëror nuk kanë pranuar të veshin fanellën e kombëtares amerikane thuajse të gjithë yjet e NBA-së. Pra, vështirë të thuash se ekipi i këtij edicioni është një “dream team”, ekip ëndrrash, duke parë emrat e 12 lojtarëve që janë grumbulluar.
Edhe në vitin 2019, kombëtarja amerikane u paraqit pa shumë nga yjet, duke u klasifikuar në vendin e shtatë, shumë larg pretendimeve. Gjatë kësaj periudhe, kombëtarja do të zhvillojë disa miqësore, në Amerikë (me Portorikon), Spanjë (me Spanjën e Sllovenine) dhe Abu Dhabi (me Greqinë dhe Gjermaninë).
Basketbollistët: Jalen Brunson, Tyrese Haliburton, Brandon Ingram, Anthony Edwards, Mikal Bridges, Cam Johnson, Austin Reaves, Josh Hart, Paolo Banchero, Jaren Jackson Jr., Bobby Portis, Walker Kessler./alsat.mk