Një grua nga Shkupi ka humbur jetën në një aksident në rrugën kryesore Shkup – vendkalimin kufitar Bllacë, ndërsa ka të lënduar dhe të mitur të lënduar.
“Me datë 20.03.2024 në ora 21:45, në SPB Shkup është raportuar se në rrugën kryesore Shkup – vendkalimi kufitar Bllacë ka ndodhur një aksident trafiku në mes të automjetit të udhëtarëve “Opel” me targa të Shkupit, i drejtuar nga M.L.(40) nga Shkup dhe veturë pasagjerësh një automjet tip “Volkswagen Golf” me targa të Shkupit i drejtuar nga R.V.(52) nga fshati Saraj, Shkup. M.L., nga plagët e marra ka ndërruar jetë në vend, ndërsa mjeku i Emergjencave Mjekësore ka konstatuar vdekjen e saj, njofton policia.
Është plagosur rëndë drejtuesi R.V. dhe pasagjeri i tij A.I.(25), ndërsa pasagjeri Z.V.(47) dhe dy pasagjerë të mitur, të gjithë nga automjeti “Volkswagen Golf”, kanë pësuar lëndime trupore, të diagnostikuar në Kompleksin Klinikë “Nënë Tereza”.
Kontroll është kryer nga prokurori publik dhe një ekip inspektues nga SPB Shkup.