Fakti që Princesha Kate Middleton nuk është shfaqur ende në publik, edhe pse kanë kaluar dy muaj nga operacioni, e ka detyruar Pallatin Mbretëror të bëjë një deklaratë të re në lidhje me shëndetin e saj. Një zëdhënës i Pallatit u përpoq të qetësonte publikun pasi spekulimet po përhapen në internet pas operacionit të Kate, mungesës së saj të zgjatur dhe diagnostifikimit të Mbretit Karli III me kancer.
“Pallati Kensington e bëri të qartë në janar kohën për rikuperimin e Princeshës dhe ne do të ofrojmë vetëm përditësime të rëndësishme. Kjo direktivë është e vlefshme”. Zyrtarët, megjithatë, shtuan se Princesha e Uellsit vazhdon të jetë “mirë”. Kate planifikon të kthehet në detyrat mbretërore pas Pashkëve.
Përditësimi vjen pasi komentuesit mbretërorë kanë bërë thirrje që familja mbretërore të jetë më e hapur.