– Kriptovaluta kishte një kapitalizim tregu prej 1,015 trilion dollarë këtë paradite, ndërsa çmimi i Bitcoin-it ishte mbi 51.700 dollarë.
Istanbul
ISTANBUL (AA) – Bitcoin arriti vlerën e tregut prej një trilion dollarë, duke përsëritur këtë vetëm pas më shumë se dy vitesh, transmeton Anadolu.
Kriptovaluta kishte një kapitalizim tregu prej 1,015 trilion dollarë këtë paradite, sipas të dhënave nga CoinMarketCap, një faqe interneti digjitale për përcjelljen e çmimeve të aseteve.
Ky nivel u regjistrua për herë të fundit në nëntor 2021.
Përveç kësaj, çmimi i Bitcoin-it ishte mbi 51.700 dollarë, me një fitim ditor prej 4,1 për qind. Niveli i çmimit prej 51 mijë dollarë u pa për herë të fundit në dhjetor 2021.
Vlera e kriptomonedhës më të madhe në botë regjistroi rritje prej pothuajse 20 për qind në shtatë ditët e fundit.
Çmimi i Bitcoin preku nivelin e 49 mijë dollarëve më 11 janar, ditën kur Komisioni i Letrave me Vlerë dhe i Shkëmbimeve i SHBA-së miratoi Bitcoin ETF-të. Veprimi u mundësoi investitorëve, veçanërisht institucioneve financiare, të tregtonin me Bitcoin pa e zotëruar atë.
Vlera totale e tregut të kriptomonedhave u rrit 2,74 për qind në 1,92 trilion dollarë në atë kohë, ndërsa vetëm pjesa e Bitcoin-it në tregun e kriptomonedhave ishte 52,6 për qind, sipas të dhënave të CoinMarketCap.