Ish-ministri i Punëve të Brendshme, Oliver Spasovski, në një deklaratë në rrjetet e mediave sociale, vlerësoi këtë sukses historik si rezultat i përpjekjeve të gjata dhe të vazhdueshme për integrimin në strukturat euroatlantike. Ai theksoi se festimi i këtij jubileu është një mundësi për të theksuar rëndësinë e mbrojtjes kolektive dhe bashkëpunimit shumëpalësh, si simbol i vlerave të përbashkëta të demokracisë, lirisë dhe sundimit të ligjit që Maqedonia e Veriut ndan me aleatët e saj në NATO.
Ratifikimi i anëtarësimit në NATO u shpall si një sukses i përbashkët për Maqedoninë e Veriut dhe partnerët e saj të ndërkombëtarë. Ky akt, i cili u përshëndet gjerësisht në të gjithë vendin dhe jashtë tij, jo vetëm që e konfirmoi vendosmërinë e Maqedonisë së Veriut për të kontribuar në sigurinë rajonale dhe globale, por gjithashtu hapi rrugën për një zhvillim të mëtejshëm politik, ekonomik dhe të sigurisë në nivel evropian dhe global” shkruan ai.
Spasovski gjithashtu vuri në dukje se dialogu ishte një mjet i rëndësishëm për zgjidhjen e çështjeve të vjetra dhe parandalimin e konflikteve në rajon. Ai shprehu mirënjohjen për të gjithë partnerët vendorë dhe ndërkombëtarë që e përkrahën Maqedoninë e Veriut në rrugën drejt kësaj arritjeje të jashtëzakonshme, duke theksuar se përpjekjet e përbashkëta dhe përkushtimi ndaj qëllimeve të përbashkëta çojnë në sukses dhe prosperitet për të gjithë.