Një rritje galopante e fëmijëve që vuajnë nga kollës së keqe dhe thirrjet e mjekëve kanë bërë që shumë prindër skeptikë ndaj vaksinave të dynden drejt qendrave të vaksinimit për të imunizuar fëmijët e tyre. Rol serioz ka luajtur edhe rekomandimi i Komisionit të Sëmundjeve Infektive për të mos pranuar fëmijët e pavaksinuar në kopshte.
Sipas të dhënave, interesi për vaksinimin me DTPR në pikat e vaksinimit është trefishuar. Një pjesë e prindërve ishin në vaksinim të rregullt të fëmijëve të tyre, por numri më i madh janë fëmijët nga 2 deri në 6 vjeç për rivaksinim të humbur, të cilët sipas kalendarit të vaksinimit duhet të bëhen çdo 18 muaj.
Që nga fillimi i janarit kemi dyfishuar numrin e vizitave në krahasim me muajin dhjetor. Nëse vizitat tona të rregullta gjatë ditës janë nga 20 deri në 30 pacientë, dje vetëm në dy turne kemi pasur 130 të vaksinuar dhe tani deri në këtë moment kemi 60 dhe kjo është më shumë se trefishim i numrit të pacientëve” tha Sanja Cilevska-Mladenovska nga poliklinika “Bukuresht” në Shkup.
close
volume_off
Për shkak të turbulencave në qeverinë teknike, ende nuk ka vendim për shpalljen e epidemisë në Shkup dhe ndalimin e të pavaksinuarve që të shkojnë në çerdhe. Deri më tani janë konfirmuar 26 raste të të infektuarve me pertusis, nga të cilët numri më i madh është në Shkup, Kumanovë dhe Gostivar.