Në stacionin policor qëndror për nxjerrjen e dokumenteve personale në Kisella Vodë të Shkupit tanimë po funksionojnë 14 baza fotografike. nga MPB kanë theksuar për televizionin publik MTV se tollovitë janë zhdukur dhe procesi i nxjerrjes së dokumenteve është përshpejtuar.
Qytetarët që presin radhë thirren një nga një nga lista që kanë marrë zyrtarët nga ricaktimi i termineve të planifikuara, përcjell INA.
Deri të shtunën do të punohet deri në orën 15:00, nga e hëna me dy turne deri në orën 22:00. Deri në dy mijë njerëz pritet të fotografohen çdo ditë.
MPB bën me dije se së shpejti do të ketë një riorganizim në punën e shërbimeve nga ku merren dokumentet e gatshme. Dokumentet e udhëtimit me emrin e vjetër janë të vlefshme edhe për disa ditë. Nga data 12 shkurt do të mund të dilni jashtë vendit me pasaportën dhe letërnjoftimin e vjetër që mban emrin Republika e Maqedonisë dhe jo Republika e Maqedonisë së Veriut. (INA)