Vauçerët për kondicionerë inverter kanë shkaktuar radhë të gjata para Ministrisë së Ekonomisë, përcjell TV21. Para godinës së ME-së shihet një numër i madh i qytetarëve të cilët presin për të dorëzuar aplikimet.
Ndryshe, Ministria e Ekonomisë prej do të ndajë vauçerë në vlerë deri në 25 mijë denarë, për amvisëritë që kanë të instaluar kondicionerë inverterë.
Kushtet për marrjen e vauçerit janë që në 3 vitet e fundit të mos kenë përdorur mjete nga asnjë burim tjetër si kompensim për pajisjet ngrohëse, të mos ketë lidhje të ngrohjes qendrore urbane në ndërtesën e banimit ku do të instalohet pajisja e cila duhet të jetë blerë në vitin 2024.
Vauçer prej 25 mijë denarë për pajisje kondicioner-inverter për nxitjen e efikasitetit energjetik do të ketë për komunat e rajonit të Pellagonisë dhe rajonit jugperëndimor, ndërsa nga 23 mijë denarë për amvisëritë në rajonin e Shkupit, në komunat e rajonit lindor, juglindor, verilindor dhe të Pollogut.