Kryetari i Lëvizjes Demokratike, Izet Mexhiti, ka konfirmuar pjesëmarrjen de fakto të Lëvizjes Vetëvendosje në zgjedhjet e 8 majit me opozitën shqiptare, gjegjësisht se anëtarë të Lëvizjes së Albin Kurtit do të jenë pjesë e listave zgjedhore të Lidhjes Evropiane për Ndryshim.
Mexhiti gjithashtu përkujtoi se Albin Kurti si lider rajonal gëzon një rejting të lartë për mënyrën se si lufton korrupsionin, për funksionimin e shtetit të së drejtës andaj ka fituar edhe simpatinë e shqiptarëve tek ne.
“Vetëvendosja de jure nuk do të jetë pjesëmarrëse në zgjedhje, por de fakto po, sepse anëtarë të saj do të jenë në listat zgjedhore siç është Bekim Qoku strugan dhe që ka qenë deputetë në parlamentin e RMV-së në kohën e PDSH-së dhe tani do të marrë pjesë e listën zgjedhore, pra si pjesë e Lidhjes Evropiane për Ndryshim”, ka thënë Mexhiti mes të tjerash. /Alsat