Duke marr parasysh çmimeve të larta të automjete që marrin makina me qira, ka mërgimtar të cilët duke bërë hesapet e tyre përcaktohen që në vend të marrin automjet me qira, të blejnë një automjet më të lirë
Vjollca SADIKU
Dibër, 16 korrik – Këtë verë si asnjëherë deri tani interesimi i mërgimtarëve dibran të cilët janë të shumtë në vendlindje, për të marr makina me qira është i madh. Mërgimtarët që kanë ardhur nga SHBA dhe shtete të Evropës, preferojnë që pas arritjes në Dibër të kenë edhe automjetet e tyre. Bëhet fjalë për mërgimtarët të cilët kanë ardhur në vendlindje me transport ajror dhe duan që gjatë pushimeve verore të kenë automjetin e tyre. Por, kompanitë të cilët merren me dhënien e rentës të automjeteve, pothuajse kanë dyfishuar çmimin ditorë në krahasim me vitin e kaluar. Kjo nuk ndodh vetëm në Dibër, por sipas mërgimtarëve çmimet janë të dyfishuara edhe në kompanitë që kanë automjete me qira në aeroportin e Shkupit, Ohrit dhe atë të Tiranës. /Koha