Pjesëtarët e Ministrisë së Punëve të Brendshme të Serbisë, Drejtorisë së Policisë Kufitare, në bashkëpunim me Drejtorinë Doganore dhe Drejtorinë e Policisë së Vranjës, në kuadër të aktiviteteve të intensifikuara për të shuar çdo lloj krimi ndërkufitar, të shtunën konfiskuan 150,8 kilogramë marijuanë dhe ndaluan personin me iniciale Z.J. (1993).
Në pikën kufitare të Preshevës, në hyrje nga Maqedonia e Veriut në Serbi, policia pas kontrollit të kamionit të drejtuar nga i pandehuri, transmeton portali lideri.mk, në rimorkio gjeti 12 thasë me marijuanë.
Të dyshuarit i është caktuar masa e paraburgimit deri në 48 orë dhe me kallëzim penal do të dërgohet në Prokurorinë e Lartë Publike në Vranjë. Nuk janë dhënë detaje për shoferin e kamionit, respektivisht për shtetësinë e tij./Lideri