Kryetari i Qeverisë së Republikës së Maqedonisë së Veriut, Dimitar Kovaçevski, sot me nderimet më të larta shtetërore dhe ushtarake në pllajën përballë Qeverisë, priti Kryeministrin e Irlandës, Leo Varadkar, i cili po qëndron për vizitë zyrtare në vendin tonë.
Kjo është vizita e parë zyrtare e një Kryeministri irlandez në vendin tonë, i cili këtë vit shënon 30 vjet nga vendosja e marrëdhënieve diplomatike me Irlandën.
Sipas agjendës është planifikuar takimi kokë më kokë i dy kryeministrave, pas së cilës do të vijojë takimi dypalësh i dy delegacioneve. Pas takimit dypalësh, Kryeministri Kovaçevski dhe Kryeministri Varadkar do të mbajnë një konferencë të përbashkët për media.
Në delegacionin maqedonas janë zëvendëskryeministri i Republikës së Maqedonisë së Veriut për Çështje Evropiane, Bojan Mariçiq, ministrja e Mbrojtjes, Slavjanka Petrovska dhe ministri i Shoqërisë Informative dhe Administratës, Azir Aliu.
Kryeministri i Irlandës sot pasdite arriti në aeroportin ndërkombëtar “Shkup”, ku u prit nga zëvendëskryeministri për çështje evropiane, Bojan Mariçiq.
“Sot i dëshirova mirëseardhje në Shkup kryeminsitrit të Irlandës, Leo Varadkar. Kryeministri Varadkar ndodhet për vizitë në Maqedoni të Veriut, që është pjesë e vizitave në tre vendet e rajonit, kandidate për anëtarësim në BE. Vizita e tij në Ballkanin Perëndimor vjen në kohë kur vazhdojnë negociatat për zgjerim të BE-së”, kumtoi Mariçiq, duke e vlerësuar vizitës si sinjal pozitiv për perspektivën evropiane të rajonti dhe shtetit.
Kryeministri irlandez do të realizojë takim edhe me presidentin e vendit, Stevo Pendarovski.