INA- Iliria News Agency e shpallë Mira Muratin personalitet shqiptar të vitit 2023, duke vlerësuar arritjet e saj të konsideruara si shekullore.
Kush është Mira Murati? Shqiptarja më e fuqishme që sundon botën nga hija
Shqiptarja 34 vjeçe Mira Murati e lindur në Vlorë ka qenë një nga aktoret kryesore të tërmetit të quajtur OpenAI, kompani kjo të cilën vetëm një vit më parë askush nuk e njihte dhe sot e vendos ritmin në industrinë e inteligjencës artificiale (AI).
Si shefe e teknologjisë së kompanisë, Murati e ka mbikëqyrur ekipin që e ka zhvilluar robotin e njohur bisedues ChatGPT, aplikacionin më të suksesshëm në histori dhe gjeneratorin e imazheve Dall-E.
Emri i saj ishte i pari që u konsiderua për të zëvendësuar Shefin Ekzekutiv Sam Altman kur bordi i drejtorëve të kompanisë e rrëzoi atë tre javë më parë (ai u rivendos pesë ditë më vonë).
Ky rekord dhe pozicioni i saj si shefe ekzekutive në OpenAI – një nga kompanitë më të rëndësishme të momentit – e ka vendosur atë në listën e Financial Times të grave më me ndikim të vitit. Në listë përfshihet gjithashtu futbollistja spanjolle Jenni Hermoso, këngëtarja Beyoncé, aktorja Margot Robbie, CEO e General Motors Mary Barra dhe presidentja e Komisionit Evropian Ursula vor den Leyen.
Mira Murati ishte një nga katër personat që e themeluan OpenAI.
Përveç saj dhe Altman-it, grupi përfshin Ilya Sutskever, shkencëtarin kryesor, i cili u favorizua për mbështetjen e shkarkimit të Altman-it, dhe Greg Brockman, president i kompanisë. Mira Murati i qëndroi besnike mikut të saj kur u pushua nga puna: pavarësisht se u zgjodh si Shefe e përkohshme Ekzekutive, ajo iu bashkua letrës së nënshkruar nga 95% e stafit të kompanisë që kërkonte rivendosjen e Altman si Shef i OpenAI, duke kërcënuar në të kundërt se do të pranonte ofertën e Microsoft për t’i punësuar të gjithë.
Mira Murati ka një diplomë në Inxhinieri Mekanike nga Kolegji Dartmouth, universiteti amerikan ku lindi disiplina e IA.
Para se të vinte në OpenAI, ajo ishte analiste në Goldman Sachs, inxhiniere në kompaninë franceze të hapësirës ajrore Zodiac Aerospace, menaxhere produktesh në Tesla, ku mbikëqyrte Model X dhe zëvendëspresidente e produkteve në Leap Motion, një kompani e realitetit virtual. Në vitin 2018, ajo u hodh në OpenAI sepse njohuritë e saj për gjendjen e artit në AI e bënë të mendonte se AI e përgjithshme, lloji që arrin ose tejkalon aftësitë njerëzore, ishte afër të bëhej realitet. Ajo donte të ishte pjesë e zhvillimit të saj, ka thëmë Murati në një intervistë të publikuar nga Wired, dhe ajo e ka ndjerë se vendi më i mirë për të ishte OpenAI.
Përveç udhëheqjes së ekipit të zhvilluesve, Murati luajti gjithashtu një rol kyç në zhvillimin e ChatGPT: Kontrolloi që chatbot të mos ishte i njëanshëm dhe të mos i mashtronte njerëzit, diçka që duket se zgjidhet më mirë në versionin e dytë të mjetit.
Murati është e vetmja grua e rangut të lartë në OpenAI, një kompani që, duke gjykuar nga ndryshimet e fundit në strukturën organizative, duket se nuk është adhuruese e feminizmit. Një nga këshilltarët e rinj është ish-sekretari i Thesarit Larry Summers, i cili në vitin 2005 pati thënë se dallimet e lindura gjinore shpjegojnë pse ka më pak gra me karriera të suksesshme në STEM (shkencë, teknologji, inxhinieri dhe matematikë).
E lindur në Vlorë që ‘mbërtheu’ botën!
Ajo ka lindur në Shqipëri më 16 dhjetor 1988 në Vlorë dhe në moshën 16-vjeçare u largua nga vendi për shkak se mori një bursë për të studiuar në një shkollë ndërkombëtare në Vankuver dhe shkoi në Dartmouth, ku studioi për inxhinieri mekanike. Ajo u diplomua në vitin 2007.
Muratti gjithashtu ndoqi mësimet në Kolegjin Colby në Waterville si marrës i Bursës Davis-UVC, i diplomuar në 2012. Muratti e filloi karrierën e saj si praktikante në Goldman Sachs dhe më pas u transferua në Zodiac Aerospace.