Në një njoftim të fundit, kryetarja e Këshillit Gjyqësor, Vesna Dameva, ka shpallur rikthimin e saj në detyrë pas vendimit të Gjykatës Administrative. Duke e konsideruar këtë hap si një shenjë pozitive për drejtësinë në vend, Dameva ka shprehur shpresën se ky është fillimi i rikthimit të besimit të qytetarëve në sistemin gjyqësor.
Në fjalimin e saj të parë publik pas kthimit në detyrë, Dameva tha se qytetarët kanë të drejtë të dinë se çfarë bën dhe si vepron Këshilli Gjyqësor.
Ajo shprehu mirënjohjen e saj personale për mediat dhe sektorin joqeveritar. Ndërsa sa i përket bashkëpunimit me kolegët e saj, ajo shtoi se veçanërisht me anëtarin e Këshillit Gjyqësor, Ademi që mori vendimin për shkarkimin e saj, Dameva theksoi se gabimi është bërë, por tani është korrigjuar me aktgjykim të Gjykatës Administrative.
“Nuk pres që asnjë anëtar i Këshillit Gjyqësor të pengojë punën e organit, as në heshtje, as me zë të lartë. Ky nuk është një parlament që të ketë bojkot të heshtur. Çdo anëtar është subjekt i shkarkimit, por kjo i nënshtrohet një procedure të zbatuar ligjërisht. Unë sinqerisht shpresoj që të mos ketë bojkot. Kur ka mundësi të mëtutjeshme për punë të përbashkët, qytetarët e meritojnë dhe nuk kam dyshim”, tha Dameva.