Rrallëherë tregon diçka më shumë për sezonin e festave sesa hiti i festave të Mariah Carey-t All I Want for Christmas Is You. Kënga është bërë sinonim i sezonit të Krishtlindjeve dhe është e vështirë të shkosh diku këtë periudhë të vitit pa e dëgjuar.
Për Carey, kjo këngë është një dhuratë që vazhdon të sjell fitim. Billboard vlerëson se këngëtarja fitoi 1.86 milionë dollarë nga kënga vitin e kaluar, ndërsa sipas një studimi të vitit 2016 nga The Economist, Carey fiton mesatarisht 2.5 milionë dollarë nga honoraret çdo vit. Kënga, e publikuar në vitin 1994, mund të tejkalojë 100 milionë dollarë fitime totale në vitin 2023, sipas një raporti të Associated Press.
Kënga arriti një miliard transmetime në Spotify në dhjetor 2021 dhe ka qenë numër 1 në Billboard’s Hot 100 për katër vitet e fundit me radhë. Carey ka fituar miliona dollarë gjatë viteve falë karrierës së saj të suksesshme muzikore, turneve dhe përkrahjeve, dhe këngëtarja ka një vlerë neto prej 350 milionë dollarësh, sipas Celebrity Net Worth.
All I Want for Christmas Is You ka thyer tre rekorde botërore Guinness në 2019, duke përfshirë titullin e këngës më të transmetuar në Spotify në 24 orë. Në një ditë të dhjetorit 2018, u transmetua më shumë se 10.8 milionë herë dhe theu sërish rekordin në vitin 2022 me 21.3 milionë transmetime.