Në Maqedoninë e Veriut nga marsi i vitit 2024 sërish do të ketë rritje të rrogës minimale.
Sipas paralajmërimeve të Qeverisë, rroga minimale pritet të jetë 22.500 denarë. Zëvendëskryeministri për çështje ekonomike, Fatmir Bytyqi theksoi se me rritjen e re do të ketë dyfishim të pagës minimale në krahasim me vitin 2017.
“Nga viti 2017 paga minimale plot katër herë është rritur, përkatësisht paga u rrit në 12.000 denarë, më pas kishte rritje në 15.200 denarë, 18.000 denarë dhe kjo e fundit 20.150 denarë. Në mars paga minimale do të jetë 22.500 denarë, ndërsa rritje pritet të ketë edhe paga mesatare”, u shpreh Bytyqi.
Sipas tij, gjatë marsit të 2024 pritet të ketë edhe rritje të pensioneve. (INA)