Ish-kunati i mbretëreshës Letizia të Spanjës ka pohuar se ka pasur një lidhje me familjen mbretërore përpara se të martohej me motrën e saj Telma, duke publikuar një foto si “provë” të romancës së tyre. Pretendimet e ish-bashkëshortit të motrës së Letizia-s, se dikur kishin një lidhje dhe se ai ishte gati të martohej me të para bashkëshortit aktual të Letizias, mbretit të Spanjës, Felipe, kanë shkaktuar bujë në mediat spanjolle. Gjithçka filloi pas një postimi të Jaime del Burgo ku Letizia pozonte para një pasqyre.
Këtë herë, sipas mediave spanjolle, njerëzit po bëjnë thirrje për një test ADN-je pasi tashmë po merret në pyetje atësia e Mbretit Felipe për vajzat e tij, Princeshën e Kurorës Leonor dhe Princeshën Sofia. E vërteta është se për shkak të polemikave, ndjekësit e familjes mbretërore spanjolle filluan të kërkojnë shpjegime për të konfirmuar ose jo të vërtetën e kësaj teorie. Ndërkohë nga ana e tij, pallati nuk ka reaguar apo deklaruar në lidhje me skandalin e krijuar.
Që kur shpërtheu skandali, kanë dalë informacione të ndryshme për rrjedhjen e tij apo për faktin se lidhja e dashurisë është mbajtur sekret pasi gazetarja Letitia Ortiz atëherë u martua me trashëgimtarin e fronit spanjoll Felipe. Jaime del Burgo, e zbuloi skandalin përmes rrjeteve sociale pasi pretendoi se të gjithë spanjollët kanë të drejtë të dinë të vërtetën. Kjo është edhe arsyeja pse njerëzit filluan të kërkonin ADN-në e dy vajzave.
Pretendimet e Del Burgo janë pritur me skepticizëm nga mediat spanjolle. Pak kohë më parë ai publikoi një libër me titull “Letizia and me” në të cilin përpiqej të shpjegonte marrëdhëniet e tij me monarkinë spanjolle. Në këtë libër, 53-vjeçari pretendon se u takua me Letizian në vitin 2000, duke sugjeruar që pavarësisht martesës së saj me Felipen, ata vazhduan të dilnin bashkë. Ai u martua në vitin 2012 me motrën e saj dhe 2 vjet më vonë u ndanë përfundimisht.