Ylli i Hollivudit, Vin Diesel është paditur së fundmi për sulm seksual nga ish asistentja e tij Asta Jonasson. Ngjarja dyshohet se ka ndodhur në dhomën e një hoteli në Atlanta, ku aktori po xhironte filmin “Fast & Furious 5” në vitin 2010. Në ankesën e paraqitur në Gjykatën e Lartë të Los Anxhelosit, Asta Jonasson pretendon se aktori e përplasi për muri dhe kreu veprime të pahijshme para saj. Ish-asistentja pretendon se motra e aktorit, presidente e One Race Productions në atë kohë, e thirri disa orë pas sulmit të supozuar dhe njoftoi shkarkimin e saj.
“Ishte e qartë për të se ajo po pushohej nga puna sepse nuk ishte më e dobishme. Vin Diesel e kishte përdorur atë për të përmbushur dëshirat e tij seksuale.”-thuhet në padi. Avokati i aktorit ka mohuar akuzat duke thënë se “Vin Diesel e mohon kategorikisht këtë pretendim në tërësi”. Vin Diesel, është një nga ata aktorë të famshëm që thjesht nuk mund të mos i pëlqesh. Pavarësisht se zakonisht luan si “bad boy” në filma, ka shumë më tepër në fakt për të. Në fakt, ka një anë krejt tjetër të tij që ne nuk mund ta shohim shumë shpesh. Ai është një baba dhe partner i shkëlqyeshëm për të dashurën e tij. Ai e do familjen, fansat e tij, të cilët gjithashtu i konsideron si familje.
Mediat e tij sociale janë të mbushura me pozitivitet. Vin Diesel nuk e tregon shumë jetën e tij personale në rrjetet sociale, por kur e bën këtë, postimet e tij janë gjithmonë plot dashuri dhe buzëqeshje dhe të gjithë mund të tregojnë se ai është një njeri familjar. Ai dhe partnerja e zemrës, Paloma Jimenez, kanë 3 fëmijë’ Hania, Vincent dhe Pauline. Ai thotë se është krenar gjithë kohës për fëmijët e tij.