Në listën e dhjetë qyteteve më të njohura për të festuar Krishtlindjet, shumica e tyre janë në Evropë. Përjashtimi i vetëm është Nju Jorku në vendin e tretë, të cilin e ndan me Parisin, i ndjekur nga Tokio në Japoni në vendin e shtatë.
Duke përdorur të dhënat e mediave sociale dhe rezultatet e kërkimit të Google, Cloudward.net përpiloi një listë interesante të destinacioneve më të njohura të Krishtlindjeve në mbarë botën.
Një kërkim në këtë faqe interneti për shqyrtimin e softuerit dhe veglave të privatësisë tregoi se shumica e njerëzve nga e gjithë bota po ëndërrojnë dhe planifikojnë të vijnë në Londër. Kryeqyteti i Mbretërisë së Bashkuar është në krye të listës së dëshirave në rreth njëzet vende, përfshirë Spanjën, Holandën, Kanadanë dhe Australinë.
Fjalët kyçe më të zakonshme të përdorura janë “Krishtlindjet në Londër” dhe “gjërat për të bërë në Londër për Krishtlindje”.
Vjena në Austri është qyteti i dytë më i popullarizuar për Krishtlindje, veçanërisht në Itali, Gjermani dhe Shtetet e Bashkuara të Amerikës.
Analiza nga Cloudward.net tregoi se evropianët më shpesh qëndrojnë brenda kufijve të kontinentit të tyre gjatë Krishtlindjeve. Nëse udhëtojnë, shkojnë në vendet fqinje, kryesisht në Vjenë dhe Budapest.
Për britanikët, Praga është vendi i përsosur për pushimet e Krishtlindjeve, dhe për francezët, është Brukseli. Portugezët e duan Parisin dhe austriakët e duan Nyrnbergun.
Në anën tjetër, shumë udhëtarë kanadezë, amerikanë dhe australianë janë të lumtur të udhëtojnë larg shtëpisë për pushimet ideale të Krishtlindjeve, tregojnë të dhënat.
Qytetet më të njohura për të festuar Krishtlindjet sipas analizës së Cloudward.net:
Londër, Mbretëria e Bashkuar
Vjenë, Austri
Nju Jork, SHBA
Paris, Francë
Budapest, Hungari
Madrid, Spanjë
Pragë, Republika Çeke
Bruksel, Belgjikë
Tokio, Japoni
Berlin, Gjermani
Mynih, Gjermani
Nyrnberg, Gjermani
Amsterdam, Holandë.