Kryetari i Komunës së Sarajit z.Blerim Bexheti sot bashkë me përfaqësuesit e organizatës 0 Mbetje, znj. Biljana Kostadinova dhe z.Emir Ademi, prezantuan shportat e reja ricikluese të pajisjeve elektrike dhe elektronike.
Z. Blerim Bexheti njofton banorët e komunës se falë këtij projekti, të gjitha mbetjet elektrike dhe elektronike shtëpiake (celular, aparate të kafesë, laptop, kompjuter, akumulator, bateri etj.) tash më mund ti deponojnë, që ato paisje të riciklohen dhe të futen përsëri në përdorim.
Shportat e mëdha, nga sot do të fillojnë të vendosën nëpër të gjitha vendbanimet e komunës, ndërsa shportat për reciklimin e baterive do të vendosen kryesisht nëpër shkolla.
Komuna e Sarajit, është e hapur gjithmonë të mirëpres bashkëpunime të këtilla të cilat ofrojnë zgjidhje dhe kanë për qëllim ruajtjen e ambientit jetësor.
____________________