Shtatë persona, prej të cilëve dy fëmijë, janë dërguar në spitalet në Ohër dhe Strugë meqë pas notit të djeshëm në pishinë të mbyllur në një hotel në bregun e Liqenit të Ohrit, kanë filluar të shfaqin shenja të helmimit me klor, njofton Portalb.
Rasti është denoncuar dje në orën 19:55 në Sektorin për Punëve të Brendshme (SPB) Ohër.
“Në Spitalin e përgjithshëm në Ohër janë dërguar M.R.(24), A.B.(19), që të dytë nga Ohri dhe J.A.(45) dhe A.P.(37) nga Shkupi, ndërsa në Spitalin e përgjithshëm në Strugë janë dërguar Gj.A.(42) dhe dy fëmijë minorentë, të gjithë nga Shkupi”, informojnë nga SPB Ohër.
Policia ka kryer ekspertizë në vendin e ngjarjes, ndërsa për rastin janë njoftuar edhe prokurori publik, Inspektorati sanitar dhe shëndet[sor, Inspektorati i punës dhe Qendra për Shëndet publik. Punohet në zbardhje të rastit.