Ministria e Punëve të Brendshme gjatë ditës së sotme vazhdoi me aksionin për dënimin e shoferëve të cilët tejkalojnë shpejtësinë.
“Vetëm sot në gjithë territorin e Maqedonisë së Veriut janë gjobitur 921 shoferë, prej të cilëve 37 janë lëvizur me shpejtësi mbi 50 kilometra në orë nga shpejtësia e lejuar, kurse 4 të tjerë kanë qenë me mbi 70 kilometra në orë më shumë se shpejtësia e lejuar”, thonë nga policia.
Ata shtojnë 461 shoferë kanë tejkaluar shpejtësinë në vendbanim dhe 460 jashtë vendbanimit.
MPB bën të ditur se kontrollet e trafikut do të vazhdojnë edhe në ditët në vijim. Ato apelojnë tek qytetarët që të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta.