Luis Enrike dëshiron që Paris Sen Zhermeni të firmos me gjashtë lojtarë të tjerë, përfshirë Hari Kejnin, përpara mbylljes së afatit kalimtar të verës. Trajneri spanjoll po i shtyn kampionët e Ligue 1 të nënshkruajnë të paktën pesë apo gjashtë lojtarë nëse Marko Verati largohet nga klubi këtë verë.
Sipas mediumit “Sports Zone”, Enrike dëshiron dy sulmues anësorë, një mesfushor, një portier dhe mundësisht Kejnin nga Tottenham Hotspur. Kapiteni anglez mbetet një prioritet për Enriken, i cili shpreson ta nënshkruajë atë për shkak të marrëdhënies së tij të përzemërt me kryetarin e Spursit, Daniel Levi.
Por, Kejn mund të shkojë te Bajern Munihu këtë verë, pasi lojtari ka prioritet një kalim në Bundesliga para Ligue 1. Gjigantët e Ligue 1 do të shihen në lojë në një miqësore para-sezonale kundër Interit më 31 korrik./alsat.mk