Nënkryetari i BDI-së, Bujar Osmani sot tha se me një hap është zvogëluar opozita shqiptare në Maqedoninë e Veriut, përcjell TV21. Osmani nuk tregoi se cili ishte ky hap, por theksoi se definitivisht nuk sheh zmadhim të opozitës në vend.
“Unë nuk e di për cilin zmadhim flisni, unë shoh zvogëlim të opozitës në ditët e fundit. Me një hap tre parti politike u fragmentizuan. Besa, Alternativa dhe një pjesë e BDI-së. Do ta gjejmë cili është hapi, por mendoj se me një hap nga BDI u ndanë një grup i deputetëve, edhe nga Besa edhe nga Alternative, kështu që kemi zvogëlim të bllokut opozitar shqiptar “, theksoi Osmani./Tv21